ISI DÉNPASAR NGRINCIKANG ZI-WBK, SENTRA KI, MIWAH NGLANTIK BEM

Jul 25, 2021Gatra

Pinaka utsaha anyar sajeroning nyiagayang genah tur nyinggihang cipta karya dosen, mahasiswa, miwah seniman, Institut Seni Indonesia (ISI) Dénpasar ngamedalang Séntra Kekayaan Intelektual (KI) “Kerthi Widya Mahardika”. Acara puniki kamargiang sapisanan ring  Pencanangan Zona Integritas Menuju Wilayah Bebas Korupsi (ZI-WBK) lan Pelantikan Badan Eksekutif Mahasiswa (BEM) ISI Denpasar. Acara inucap kamargiang duk rahina Wrespati, (26/6/2021), ring Studio Média Rekam, Program Studi Televisi Film. Kawéntenan Séntra KI puniki kasarengin antuk utsaha nyiagayang luaran penelitian/penciptaan/pengabdian marupa hak cipta miwah patén sederana majeng ring para angga dosén malarapan antuk kompetisi.

Réktor ISI Denpasar, Prof. Wayan Kun Adnyana maosang, dosén miwah mahasiswa ISI Dénpasar madué kréativitas, inovasi, miwah produktivitas cipta seni sané dahat ngangobin, sakéwanten arang pisan sané ngamargiang pendaftaran kekayaan intelektual antuk napi sané sampun kaembasang punika. Sujatinnyané, malarapan antuk pendaftaran KI, karya sané sampun karipta inucap prasida katawengin antuk hukum, tur prasida polih galah kamonetisasi. “Mangdané prasida mastikayang tur ngajiang karya cipta dosen, mahasiswa, miwah seniman, titiang sampun ngiket pasawitran ring Kanwil Kumham Bali saha ngwangun séntra KI. Lianan ring punika, titiang taler nyiagayang pendaftaran KI pinaka hasil luaran penelitian/penciptaan/pengabdian mandiri olih para angga dosen. Titiang matitisang mangdané salami awarsa puniki, wenten 250 sané nerima sertifikat hak cipta,” sapunika kabaosang olih Réktor ISI Dénpasar sané naenin dados Kepala Dinas Kebudayaan Provinsi Bali puniki.

Séntra Ki ISI Denpasar pacang karemba malarapan antuk program Lembaga Penelitian, Pengabdian kepada Masyarakat dan Pengembangan Pendidikan (LP2MPP). Ketua LP2MPP ISI Denpasar, Dr. Ni Made Arshiniwati, SST, M.Si nugesang, Peluncuran Sentra KI “Kerthi Widya Mahardika” nepék ring purnama sadha kacihnayang antuk pendaftaran kapertama tur pangalihan pemegang hak cipta komposisi musik mamurda “Cinta Kasih Abadi di Bali” sané karipta olih Prof. Wayan Kun Adnyana (lirik), I Komang Darmayuda, M.Si. (lagu), miwah Ketut Sumerjana (musik) ring ISI Denpasar. “Komposisi musik puniki wantah theme song filem televisi legenda Bali “Jaya Pangus” sané kasiarang olih Bali TV. Acara inucap tan lian ring karya FTV sané kalaksanayang antuk paiketan pantaraning Bali TV miwah ISI Denpasar”, sapunika Arshiniwati nyumekenang.

Ring galahé sané pateh, taler kalaksanayang Pencanangan Zona Integritas (ZI) nuju Wilayah Bebas Korupsi (WBK) Fakultas Seni Rupa dan Desain (FSRB) ISI Denpasar. Acara sané kamargiang malarapan antuk bhuwana sabha (luring) miwah ambaralaya (daring) puniki kamiletin olih Inspektur IV Inspektorat Jenderal Kemdikbudristek Mashyur Latief lan Inspektur Iswara, Rektor ISI Denpasar, Wakil Rektor, Dekan FSRD, lan civitas akademika ISI Denpasar. “Pencanangan Zona Integritas puniki wantah palet kaping nem FSRD ISI Dénpasar mangdané prasida molihang silih tunggil wakil unit kerja ring wewidangan Kemdikbudristek lamakané prasida masaing ring ZI-WBK,’’ sapunika wacana sané kamedalang olih Dékan FSRD ISI Dénpasar Dr. Anak Agung Gde Bagus Udayana.

Ring subadéwasané punika taler kamargiang pelantikan BEM ISI Denpasar masa bakti 2021-2022 olih Rektor ISI Denpasar Prof. Kun Adnyana sané kacihnayang antuk panyematan pin garuda ring jas Présiden BEM Chion Ardiyaksa, miwah Wakil Presiden BEM Yangwie McCuaren Lee.

Wakil Réktor bidang Akademik, Kemahasiswaan, dan Alumni Dr.Anak Agung Gede Rai Remawa nartayang yéning organisasi senat mahasiswa ngawit saking periode 2021-2022 mauwah parinama dados Badan Eksekutif Mahasiswa (BEM). Indiké puniki kaaptiang mangdané BEM yukti-yukti prasida dados pamucuk sajeroning mertiwiang Program Pembelajaran Merdeka Belajar-Kampus Merdeka (MBKM) ring ISI Dénpasar.  Indika punika sané ngawinang, BEM prasida mapaenjuh malarapan antuk nyarengang makasami organisasi kemahasiswaan miwah makasami mahasiswa sajeroning nyarengin ngamargiang MBKM.

Ketua Senat ISI Denpasar Wayan Gulendra, M.Sn., nampénin becik pamargin acara pencanangan ZI-WBK, pelantikan BEM, miwah peluncuran Sentra KI “Kerthi Widya Mahardika” ISI Denpasar inucap. Inidké puniki pacang dados pangawit sané becik sajeroning mastikayang pelayanan lan pelaksanaan Tri Darma Perguruan Tinggi ring ISI Denpasar prasida mamargi anut adung ring visi sané matitisang mangdané ISI Dénpasar prasida dados pusat unggulan sané madasar antuk dibyadresta utawi kearifan lokal sane inggil ring jagaté madasar antuk MBKM. Lianan ring punika, dané taler ngaptiang mugi-mugi kawéntenané puniki prasida ngawinang moto ISI Denpasar, Global-Bali Arts and Creativity Centre Hub (G-BACCH) labda karya .

Agenda

January 2022
M T W T F S S
 12
3456789
10111213141516
17181920212223
24252627282930
31  

RSS REPOSITORY

  • Buku: EKONOMI KREATIF KABUPATEN GIANYAR
    I Wayan, Dibia and I Gede, Arya Sugiartha and I Gusti Ngurah, Seramasara and I Komang, Sudirga and Kadek, Suartaya and I Ketut, Suteja and I Wayan, Suweca and I Wayan, Karja and D.A., Tirta Ray and I Wayan, Gulendra and I Wayan, Setem and I Komang, Arba Wirawan and Nyoman, Lia Susanthi (2019) Buku: […]
  • "Poster Film Antariksa V"
    Harlandi, Eka Derry (2022) "Poster Film Antariksa V". Working Paper. ISI Denpasar, Denpasar, Bali.
  • BUKU AJAR PENCIPTAAN KRIYA PERAK SENI MURNI DAN SENI SAKRAL
    I Wayan, Suardana and I Made, Sumantra (2021) BUKU AJAR PENCIPTAAN KRIYA PERAK SENI MURNI DAN SENI SAKRAL. PUSAT PENERBITAN LP2MPP Institut Seni Indonesia Denpasar, Denpasar, Bali. ISBN 978-623-5560-09-0
  • AIR RATNA PERMATA
    I Made, Jana (2021) AIR RATNA PERMATA. Documentation. ISI Denpasar, Denpasar, Bali.
  • PRODUKSI VIDEO DAN TELEVISI
    Arba, Wirawan PRODUKSI VIDEO DAN TELEVISI. Lintang Pustaka Utama.

Event

Berita Terkait

Yuk Nonton Karya Tugas Film Mahasiswa ISI Denpasar di Alaya

Suksesinews.net, Denpasar - Berbagai karya film drama pendek dari mahasiswa ISI Denpasar, yang merupakan hasil sebuah tugas akan ditayangkan di layar lebar Gedung Dharma Negara Alaya, Lumintang pada hari ini Selasa (25/01) Denpasar. Ada dua sesi yang akan diputar...

“Merayakan Panen” di LV8 Resort Hotel Canggu

Atraktif dan tawarkan beragam makna. Sebanyak 31 mahasiswa dari Program Studi Seni Murni, FSRD Institut Seni Indonesia (ISI) Denpasar menggelar pameran bersama di LV8 Resort Hotel Canggu. Karya seni yang disajikan mungkin beda dari biasanya, yakni karya seni yang...

ISI Denpasar Gencarkan Gamelan Midi Dalam Pendidikan Seni

KBRN, Denpasar: Pengayaan terkait pengetahuan dibidang digitalisasi dalam dunia pendidikan seni terus digencarkan  Institut Seni Indonesia (ISI) Denpasar. Melalui Himpunan Mahasiswa Program Studi Pendidikan Seni Pertunjukan, Fakultas Seni Pertunjukan, Institut...

Loading...